Поиск по базе сайта:
Бекітілген «Қазақстандық индустрия дамыту институты» акционерлік қоғамының есептік саясаты icon

Бекітілген «Қазақстандық индустрия дамыту институты» акционерлік қоғамының есептік саясаты




НазваБекітілген «Қазақстандық индустрия дамыту институты» акционерлік қоғамының есептік саясаты
Сторінка3/4
Дата конвертації15.08.2014
Розмір0.67 Mb.
ТипДокументи
1   2   3   4

8) негізгі қаражаттардың инвентаризациясы

Қоғамда негізгі қаражаттар инвентаризациясы жыл сайын есеп беру жылының 1 қазанында жүргізіледі.

^ Келесі жағдайларда инвентаризация міндетті түрде жүргізіледі:

- материалды жауапты тұлғаның ауысуы кезінде (істерді қабылдау-тапсыру күнінде);

- апаттық жағдайлар кезінде, өрт, апат, сонымен қатар экстремалды жағдайлардан пайда болған басқа төтенше жағдайлар;

- тауарлық-материалдық қорларға зиян келтіру немесе бүлдіру, ұрлау фактісі белгілі болғанда;

- жойылуы немесе қайта құрылу кезінде жойылу (бөілініс) теңгерімін құрастыру алдында немесе ҚР заңнамасымен қарастырылған басқа да жағдайларда.

^ 9) Негізгі қаражаттардың инвентарлық нөмірі

Негізгі қаражаттарды есепке алудың бірлігі – инвентарлық объект болып табылады, ол белгілі өз бетінше қызметтер атқару үшін, не болмаса белгілі жұмыстарды орындау үшін оңашаланған кешен.

Бір объектіде әр түрлі қызмет ету мерзімімен бірнеше бөліктері бар болса, әр бөлік жеке негізгі қаражат ретінде есептелінеді. Негізгі қаражаттың сақталуына бақылауды қамтамасыз ету үшін, әр инвентарлық объектіге тиісті инвентарлық нөмір беріледі, ол Қоғамда әрекет етудің барлық кезең бойына сақталады.

Негізгі қаражат есептен шығып қалатын болса, инвентарлық нөмір 5 жыл бойы жаңадан келіп түскен негізгі қаражатқа берілмейді.

Пайдалы қызмет мерзімін қайта қарастырудың мақсаттылығы Қоғамның ұдайы әрекет ететін комиссияның қорытындысымен (актісімен) расталуы тиіс.

Сол сияқты, егер НҚ объектісін пайдаланудан күтілетін экономикалық пайданы тұтыну сипатында айтарлықтай өзгерістер байқалатын болса, НҚ объектілері бойынша өтелімді есептеу әдісі Қоғам басшылығымен қайта қарастырылуы мүмкін. Өтелімді есептеу әдісіндегі мұндай өзгерістер перспективті түрде ескерілуі тиіс.

Негізгі қаражат объектісі, егер ол есептен шығарылатын болса, не болмаса активті пайдалануды тоқтату туралы шешім қабылданған кезде және одан кейін ешбір экономикалық пайда күтілмейтін жағдайда, ол Қоғам теңгерімінде есепке алынбайды.

Шығып қалатын негізгі қаражаттар бұрын есептелінген тозумен бірге теңгерім есебінен алынып тасталынады. Негізгі қаражаттардың пайдалануын тоқтатудан немесе шығып қалуынан болған табыс немесе шығын таза түсімнің бағалау сомасы мен негізгі қаражаттың теңгерімдік (қалдық) құннан шығып қалуы арасындағы айырмашылық деп саналады және негізгі емес әрекет нәтижесі ретінде табыстар мен шығындар туралы есепте көрсетілуі тиіс.

^ 10) Негізгі қаражаттарды есептен шығару

Негізгі қаражаттар шығып қалу, жойылу, іске асыру, айрбастау немесе олардың пайалануынан ешбір экономикалық пайда алу күтілмейтін жағдайлар нәтижесінде кәсіпорын теңгерімінен есептен шығарылады. Бірақ инвентарлық карточкаларды картотеканың «Мұрағат» бөлігіне орналастырады.

Негізгі қаражаттардың толық немесе жартылай есептен шығарылуы Ф.№ ОС-3 Негізгі қаражаттардың (көлік құралдарынан басқа) жойылуы туралы актісімен ресімделеді. Теңгерімнен автокөлік құралдарының барлық түрлерінің есептен шығарылуы автокөлік құралдарын есептен шығару актісімен (Ф.№ ОС-4) ресімделеді.

Мүлікті есептен шығару үшін қажетті құжаттың ресімделуі ұдайы әрекет ететін комиссия қорытындысының негізінде жүзеге асырылады, қажет болған жағдайда Басқарма Төрағасының өкімімен комиссияға тиісті мамандар енгізілуі мүмкін.

^ 11) Есепке алу шоттары

2420 «Негізгі қаражаттар»;

2420 «Негізгі қаражаттың өтелімі»;
12) Жөндеуге кейінгі капиталды салымдар мен шығындар

Негізгі қаражаттар обектісіне жататын, бұған дейін танылған және сәйкесінше бағаланған кейінгі шығындар капиталды деп танылады және алғашқы құнды ұлғайтуға жатады: егер, Қоғам ықтималдықтың жоғары үлесімен болашақта экономикалық пайда алатын болса (пайдалы қызмет ету мерзімін арттыру, өндірілетін өнімнің сапасын арттыру, не болмаса негізгі объектілерді пайдалану үрдісінде өндірістік шығындарды қысқарту). Объектінің ауыстырылған құрама бөліктері есептен шығарылады.

Объектінің техникалық жағдайын сақтау мен ұстап тұру мақсатында жүргізілетін негізгі қаражаттардың жөндеу мен эксплуатацияға шығындары алғашқы құнды арттырмайды, олардың пайда болу сәтіндегі ағымдағы шығындар ретінде танылады (яғни, олар жүргізілген есеп беру кезеңінің шығындарында көрсетіледі). Қоғам әр негізгі қаражатқа жекелей жөндеу үшін жұмсалған нақты шығындардың, жыл басынан бастап үдемелі қорытындымен аналитикалық есеп жүргізеді.

Жөндеу бойынша жұмыс аяқталғаннан кейін арнайы комиссиямен № ОС-2 үлгісі бойынша жөнделген, қайта құрастырылған және жаңартылған объектілердің қабылдау-тапсыру актісі құррастырылады.

^ 13) Құнынсыздануға қарсы резерв құрастыру

Қоғам негізгі қаражаттың құнсыздануына қарсы резерв құрастырмайды.

14) Есептілікте ақпараттың жария етілуі

Негізгі қаражатқа қатысты өаржылық есептілікті ұсынған кезде Қоғам келесі ақпаратты жария етеді:

- негізгі қаражаттың әр түрі үшін жинақталған өтелімнің есептеп шығарылуына дейін теңгерімдік құнды бағалу тәсілдері;

  • өтелімді есептеудің қолданыстағы әдістері;

  • қолданылатын пайдалы қызмет мерзімі немесе өтелім нормалары;

  • кезеңнің басындағы және соңындағы жағдайы бойынша теңгерімдік құнның салыстырмалытексерісі, ол мынаны көрсетеді:

  • түсімдер;

  • шығып қалуы;

- меншік құқығын шектеу және міндеттемелерді қамтамасыз ету ретінде кепіл түрінде алынған негізгі қаражаттардың құны;

  • негізгі қаражаттарды пайдалануға байланысты табиғи ресурстарды қалпына келтіру үшін жұмсалатын болжалды шығындарға қатысты есептілік саясаты;

  • құрылыс үрдісіндегі негізгі қаражат есебінен шығындардың көлемі;

  • негізгі қаражаттарды сатып алу бойынша міндеттемелер сомасы;

- кезең бойындағы өтелім аударымдарының сомасы және кезең соңындағы жағдайы бойынша жинақталған өтелім сомасы.
2.5. Материалды емес активтердң есеп алу (МЕА)

Материалды емес активтердің бухгалтерлік есебін ұйымдастыру кезінде төмендегі құжатты басшылыққа алған жөн:

а) «Материалды емес аткивтер» IAS 38 халықаралық стандарттары;

^ 1) Жіктелуі мен топтастырылуы

Материалды емес активтерге, материалдық-заттық мазмұны жоқ, бірақ Қоғамның шаруашылық әрекетінде ұзақ уақыт бойы (бір жылдан астам) пайдаланылатын және табыс әкелетін, құндылық бағасы бар объектілер жатады.

Қоғам материалды емес активтердің келесі санаттарын бөліп көрстетеді:

- басқа материалды емес активтер (бағдарламалық қамсыздандыру, құқықтар, патент пен лицензиялар).

^ 2) МЕА алғашқы бағалануы

Материалды емес активтер ең алдымен олардың пайдалы қолданылуының мерзіміне байланысты тікелей әдіспен өтелімнің есептелуімен өзіндік құны бойынша (нақты құны) бағаланады. Материалды емес активтердің өтелімдік құны нөлге тең деп теңестіріледі.

^ 3) МЕА пайдалану мерзімі

Материалды емес активтердің пайдалы қолданылуының мерзімі болашақ экономикалық пайданың ескерілуімен Қоғамның ұдайы әрекет ететін комиссиямен анықталады және объектіні бухгалтерлік есепке қабылдаған кезде Басқарма Төрағасымен бекітіледі. Материалды емес активтердің өтелімдік құны пайдалы қызмет мерзімі бойы жүйелі негізде есептен шығарылады.

^ 4) Алғашқы танылғаннан кейінгі өлшеулер

Алғашқы қабылданғаннан кейін Қоғам материалды емес активтерді қайта бағаламайды. Материалды емес активтер құнсыздану салдарынан өтелімнің жинақталуы мен шығындардың жинақталуының алынып тасталуымен алғашқы құны бойынша есептелінеді.

^ 5) Материалды емес активтердің есептен шығарылуы және шығып қалуы

Материалды емес актив, оның шығып қалған жағайында немесе егер одан оның пайдалануынан экономикалық пайда көру күтілмейтін болса Қоғамның бухгалтерлік теңгерім есебінен алынып тасталынады.

Материалды емес активтердің шығып қалуы есептен шығару актісімен ресімделеді. Актіге Қоғамның комиссия мүшелері қол қояды және Басқарма Төрағасымен бекітіледі.

б) ^ Есепке алу шоттары

Материалды емес активтермен жасалатын операциялар келесі шоттарда көрсетіледі:

2740 «Басқа материалды емес активтер»;

2740 «Басқа материалды емес активтердің өтелімі мен құнсыздануы».

^ 7) Жария етуге қойылатын талаптар

Қаржылық есептілікте материалды емес активтердің ірі класы үшін келесі ақпарат жария етілуі тиіс:

  • пайдалы қызмет мерзімі;

  • қолданылатын өтелім әдістері(линиялық әдіс);

  • жалпы теңгерімдік сома және кезеңнің басындағы мен соңындағы жинақталған өтелім.


2.6. Қорларды есепке алу

Қорлардың бухгалтерлік есебін ұйымдастыру кезінде Қоғам келесіні басшылыққа алады:

а) IAS 2 «Қорлар» халықаралық стандарты; Қоғам Басқармасымен бекітілген «Қазақстандық индустрия дамыту институты» Қоғамында тауарлық-материалдық қорларды есепке алу бойынша Нұсқаулық.

^ 1) Қорлардың өзіндік құныны бағалау

Қорлардың өзіндік құнын бағалау үшін, қорлардың тобына қарамастан, құнның орташа өлшемдік әдісі қолданылады.

Тауарлық-материалдық қорлар өзіндік құны бойынша көрсетіледі. Қорлардың өзіндік құны құнның орташа өлшемдік әдісімен анықталады және тауарлық-материалдық қорларды сатып алуға, олардың тиісті жағдайға келтірілуі мен қажетті орынға жеткізілуіне жұмсалған шығындарды қамтиды.

Әр объектінің құны кезең басындағы ұқсас объектілердің орташа өлшемдік құнымен анықталады және есеп беру кезеңі бойы сондай объектілердің сатып алу құнымен анықталады.

^ 2) Қорлардың жіктелуі мен топтастырылуы

Қоғамның қаржылық есептілікті құрастыру үшін қорларды топтастырудың келесі түрлері қолданылады:

Шикізат пен материалдар – өзіне пайдалы қолданылудың 12 айдан кем емес мерзімімен өндірістік үдерісте қолданылу үшін арналған материалдық құндылықтарды қамтиды.

Аталмыш топ төмендегідей топшаларға бөлінеді:

  • шикізат пен материалдар;

  • жанармай;

  • инвентарь мен шаруашлықы керек-жарақтар;

  • қосалқы бөлшектер;

  • құрылыс материалдары;

  • басқа шикізат пен материалдар;

  • қорлар жолда;

  • жауапты сақталуға берілген қорлар;

  • аяқталмаған өндіріс.

Тауарлар

Сыртқа сату үшін сатып алынған тауарлар, материалдар, құрама бөлшектер және с.с.

Қоғам әрекетінің негізгі түрі – сауда болып табылмайды және қорларды сатып алу кезінде Қоғам сатып алынатын тауарлардың өндірістік үдерісте қолданылуы үшін, не болмаса қызметтерді көрсетуге, не болмаса қайта сатып жіберуі үшін арналған ба, жоқ па нақты анықтай алмайды, мұндай қорлар материалдар құрамында есепке алынуға тиесілі.

^ Аяқталмаған өндіріс - жартылай дайын өнімнің жиынтығы, өнімді (қызметтерді) тапсырыс берушіге жіберуге (көрсетуге) мүмкін болуы үшін өндірістің толық технологиялық циклынан өтпеген, сонымен қатар әр жоба бойынша жекелей аяқталмаған ғылыми-зерттеу мен жобалық-барлаудың аяқталмаған жұммыстар жиынтығы.

^ 3) Қор түрлері бойынша аналитикалық белгілер:

Меншік құқығы шектеулерінің бар болуы бойынша:

  • міндеттемелерді қамтамасыз ету ретінде кепілге берілген қорлар. Тұтынушылық қасиеттер бойынша:

  • сақтау мерзімі бір жылдан асатын қорлар;

  • тұтынушылық қасиеттерін жоғалтқан қорлар. Ағымдағы мәртебесі бойынша:

  • қайта өңдеуге берілген қорлар;

  • жауапты сақтауға берілетін қорлар.

Есеп беру құрылымдары бойынша:

  • қоймадағы қорлар;

  • цехтегі қорлар.

Қорлардың атауы бойынша

4) Есепке алу қағидалары

  • Қорлар, олардың меншіктік заңды құқығының жеткізудің келісімшарты бойынша жеткізушіден Қоғамға ауысуы сәтінде есепте көрсетіледі.

  • Қорларды бухгалтерлік есепке алудың бірлігі – номенклатуралық нөмірі болып табылады, ол қорлардың Қоғамға келіп түсу сәтінде (ф. ТМЗ-3 кіріс ордері ресімделген кезде) беріледі.

  • Қорлар қозғалысының аналитикалық есебі ір теңгерімдік есепшот пен материалдық-жауапты тұлғалар бойынша сандық-сомалық әдісі ретінде жүргізіледі.

  • Сатып алынатын қорлардың толық өзіндік құнын қалыптастыру қорларды есепке алу бойынша тікелей синтетикалық есепшоттары негізінде жүзеге асырылады. Қорларды сатып алу бойынша оларды меншіктеу кезінде барлық шығындар өтелген болғандықтан, меншіктегеннен кейін қорларды пайдалануға дайындау бойынша операциялар аталап етілмесе, онда қорлар бірден сатып алу бағасына барлық пайда болған шығындардың қосылуымен есепке толық өзіндік құны бойынша қабылданады.

^ 5) Қорлардың келіп түсуі бойынша операцияларды ресімдеу

Жеткізушілердің (жүк жөнелтушілердің) сату-сатып алу келісімшарты бойынша келіп түскен қорларға есеп айырысу құжаттары (шот-фактура, тауарлық-көліктік жүкқұжат, кеден декларациясы және с.с.) және ілеспе құжаттар (спецификациясы, сертификаттары, сапа куәліктері және т.б.) болуы тиіс.

Қабылдау кезінде қорлар есеп айырысу және ілеспе құжаттарда көрсетілген ассортимент, саны мен сапасына қатысты сәйкестілігіне түбегейлі тексерістен өтеді.

Барлық келіп түскен материалдық құндылықтар 24 сағаттың ішінде қоймаға табысталуы тиіс.

Қоғамдағы қорлар тиісті өлшеу бірліктерімен (салмақтық, көлемдік, линиялық, данамен) меншікке алынады. Сол өлшеу бірліктері арқылы есепке алу құны белгіленеді.

Егер қорлар, қор тобы (топшасы) үшін бекітілгеннен ерекшелінетін өлшеу бірліктерінде келіп түсетін болса, онда өлшеу бірліктерінің қайта есептелінуі жүргізіледі. Мұндай жағдайда өлшеу бірліктерін көшіру туралы акт құрылады, онда материал қоймадан жіберілетін өлшеу бірліктердегі материал саны көрсетіледі. Бір уақытта жаңа өлшеу бірлігіндегі есепке алу құны анықталады.

Импорттық материалдарды қабылдап алу кезінде келісмшарттар (шарттармен) және кеден заңнамасымен белгіленген ережелер мен ерекшеліктер ескеріледі.

Қоғамға жауапты сақталуға келіп түсетін қорлар сақталатын қолхатпен ресімделеді, арнайы кітапқа жазылады, қоймада оңашаланған түрде сақталады және жұмсалуы мүмкін емес.

Жеткізушілерден есеп айырысу құжаттарынсыз (куәландырылмаған жеткізулер) келіп түскен қорлар материалды қабылдау туралы актісімен ресімделеді (№ ТМЗ-4 типтік формасы). Акт міндетті түрде материалды жауапты тұлғаның қатысуымен қабылдау комиссиясымен екі данада құрастырылады. Алынған қорлар жеткізу келісімшартында көрсетілген бағалар бойынша бағаланады. Егер келісімшартта баға көрсетілмесе, нарықтық баға қолданылады.

Қоғамға жататын қорлар, бірақ жолда жүрген (меншік құқығының ауысуы) айдың соңында бухгалтерлік есепте келісімшартпен қарастырылған бағамен көрсетіледі.

Қоғамның есеп беру тұлғаларымен сатып алынған материалдар қоймаға тапсырылуы тиіс. Материалдарды кіріске алу есеп беру тұлғасының аванстық есебіне қоса берілетін, сатып алуды растайтын ақтау құжаттарының (дүкендердің шоттары мен түбіртектері, сатып алу актілері және т.б.) негізінде жалпы белгіленген тәртіпте жүргізіледі.

6) Қорлардың шығып қалуын есепке алу

Қорлардың шығып қалу түрлері:

  • қорларды өндіріске есептен шығару;

  • қорларды сыртқа сату;

  • қорлардың келесінің нәтижесінде шығып қалуы:

  • сақтау мерзімінің аяқталуы, моральдік ескеруі, тұтынушылық қасиеттердің басқа да жоғалу жағдайлары;

  • инвентаризация кезінде жетіспеушіліктерді анықтау;

  • қорларды ұрлау және бүлдіру;

  • апат, өрт, табиғи зілзала кезінде мүліктің бүлінуі.

Қоймадан қорлардың жіберілетін алғашқы құжаттарда материалдың атауы, саны, есептік бағасы, сомасы көрсетіледі.

Нақты шығындалған қорларға қорларды алушы ТМҚ-ні есептен шығаруға акт құрастырады, онда әр атауы бойынша аталымы, саны, есептік бағасы, жұмыстар түрі немесе олар жұмсалған тапсырыс (бұйым) атауы көрсетіледі.

Қорларды жауапты сақталуға көшірген кезде. Қоғам аталмыш мүлікке ие болу мен пайдалануына байланысты барлық барлық тәуекелге ұшырауы мүмкін, сондықтан бұл қорлар Қоғамның теңгерімдік шоттарынан шығарылмайды.

Қорлар құнының төмендеуіне байланысты резерв

Қоғамда қорлар құнының төмендеуіне байланысты резерв құрылмайды.

^ 7) Есепке алу шоттары:

1310 «Шикізат пен материалдар»;

1320 «Дайын өнім»;

1330 «Тауарлар»;

1350 «Аяқталмаған өндіріс»;

1350 «Басқа қорлар»;

8) Есептілікті ашуға қойылатын талаптар:

Қаржылық есептілікте міндетті түрле мыналар көрсетілуі тиіс:

- қорларды бағалау үшін қабылданған есептік саясат;

- қорлардың жалпы теңгерімдік құны және синтетикалық шоттар бойынша шегінде;

-міндеттемелер үшін кепіл ретінде салынған қорлардың теңгерімдік құны.

^ 2.7. Жалға алудың есебі

Негізгі қаражаттарды жалға алудың барлық түрлерінің есебі IAS 17 «Жалға алу» халықаралық стандартына сәйкес жүзеге асырылады.

Жалға алу – бұл келісімшарт, соған сәйкес жалға беруші жалға алушыға келісілген уақыт кезеңі бойы жалға алу төлемі немесе бірқатар төлемдер үшін активті пайдалану құқығын береді.

Жалға алудың басталуы, жалға алушы жалға алған активті пайдалануға өз құқығын жүзеге асыру мүмкіндігін алған күнінен басталады (қабылдау-тапсыру актісінің күні).

Жалға алу екі негізгі типке бөлінеді:

  • қаржылық жалға алу;

  • операциялық жалға алу;

Жалға алу түрінің анықталуы жалға алудың басында жүргізіледі және жалға алу шарттары өзгерген жағдайда құбылуы мүмкін. Өзгертілген келісім оның әрекет ету мерзімінің ұзақтығына жаға ретінде қарастырылуы тиіс.

1) ^ Операциялық жалға алу

Операциялық жалға алу дегеніміз – жалға алу, мұнда жалға алушыдан жалға берушіге жалға алынған активтен түсетін барлық тәуекелдер мен пайдалардың көшуі болмайды. Жалға алу төлемдері жалға алу мерзімі бойынша тең дәрежеде бөлінген шығындар (табыстар) ретінде көрсетілуі тиіс.

2) Қаржылық жалға алу

Қаржылық жалға алу дегеніміз – жалға алу келісімшарты жасалған кезде жалға берушіден жалға алушыға жалға алынған активтен түсетін тәуекелдер мен пайдалар табысталатын жалға алу (мысалы, лизинг). Әдетте, қаржылық жалға алу үшін келесі сипаттамалар тән:

• жалға алу мерзімі аяқталған соң жалға алынған мүліктің меншік иесі жалға алушы болады;

• жалға алушының жалға алған нысанды әрі қарай әділ құнынан төмен бағамен сатып алу құқығы бар;

• жалға алу мерзімі жалға алынатын мүліктің экономикалық пайдалану мерзімінің көп бөлігін құрайды;

  • жалға алуды қабылдаған күнінде минималды жалға алу төлемдерінің дисконтталған құны әділ құнға жақындатылған болса;

  • жалға алынған активтер өз алдына ерекше мүлік, оны айтарлықтай өзгертулерсіз тек жалға алушы ғана пайдалана алады.

Қаржылық жалға алу шартымен (лизинга) алынған активтердің есебі мен міндеттемелер екі шаманың ең азынан бастап негізгі қаражат құрамында көрсетіледі: минималды жалға алу төлемдерінің дисконтталған құны немесе НҚ жалға алынатын объектілерінің әділ құны, ол әдетте, жалға алушымен актив үшін төлеген ақша қаражатының сомасына теңестіріледі.

Бұл сома сондай-ақ қаржылық жалға алу бойынша міндеттемелердің алғашқы теңгерімдік құнын құрайды.

Минималды жалға алу төлемдерінің дисконтталған құнын есептеу кезінде дисконттау коэффициенті жалға алуға енгізілген пайыздық ставка болып табылады.

2. Өтелімдік жалға алу төлемдері үшін өтелім саясаты Қоғам меншігіндегі өтелімді активтерге қатысты қолданылатын саясатқа сәйкес келеді.

2.8. Болашақ кезеңдер шығындарының есебі (БКШ)

Болашақ кезең шығындарына аталмыш есеп беру кезеңінде, бірақ болашақта есеп беру кезеңіне жатқызылатын жұмсалған шығындар жатады.

1) Болашақ кезең шығындарының Қоғамда төмендегідей топтастырылуы қабылданған:

Сол кезде БКШ-ті есептен шығару жоспарланатын мерзімі бойынша:

  • 12 айдың ішінде есептен шығаруға жататын БКШ;

  • 12 айдан астам кезең ішінде есептен шығаруға жататын БКШ. Түрлері бойынша:

  • сақтандыру сыйақылары;

  • болашақ кезеңдердің басқа шығындары.

Аналитикалық есеп шығындардың әр бабы үшін келесі ақпараттың алынуын қамтамасыз етуі тиіс:

  • пайдалану басталған күн;

  • пайдалану аяқталған күн.

Болашақ кезеңдер шығындарының, шығындардың әр түрі (тобы) бойынша аналитикалық есебі.

^ 2) Есепке алу принциптері

Болашақ кезеңдердің шығындары олар қатысты есеп беру кезеңі ішінде жүргізілген есептеулерге сәйкес тең дәрежеде есептен шығарылады. Мұндай кезеңнің ұзақтығы болашақ кезең шығындарының бухгалтерлік есепке қабылданған сәтінде анықталады.

Егер болашақта өндіріс пен сату жүргізілметін болса, онда кеткен шығындар шоғырландырылмайды, олар орын алған кезеңнің шығындарына қатысты есептен шығарылады.

Болашақ кезең шығындарының инвентаризациясы жылына бір рет желтоқсан айында жүргізіледі.

Сақтандыру сыйақылары түріндегі болашақ кезең шығындары сақтандыру объектісі өз жұмысын тоқтатқан кездегі, сол сәттің кезеңіндегі шығындарға біруақытта (сақтандырудың әрекет ету мерзімінің аяқталуынан бұрын) есептен шығарлыуы мүмкін.
1   2   3   4



Схожі:




База даних захищена авторським правом ©lib.exdat.com
При копіюванні матеріалу обов'язкове зазначення активного посилання відкритою для індексації.
звернутися до адміністрації