Поиск по базе сайта:
Молебень о страждущем православном народе в Косово и Метохии С. Благословен Бог наш, всегда, ныне и присно и во веки веков icon

Молебень о страждущем православном народе в Косово и Метохии С. Благословен Бог наш, всегда, ныне и присно и во веки веков




Скачати 85.59 Kb.
НазваМолебень о страждущем православном народе в Косово и Метохии С. Благословен Бог наш, всегда, ныне и присно и во веки веков
Дата конвертації05.06.2013
Розмір85.59 Kb.
ТипДокументи

Молебень о страждущем православном народе в Косово и Метохии


С. Благословен Бог наш, всегда, ныне и присно и во веки веков.

Н. Аминь.

Слава Тебе, Боже наш, слава Тебе.

Царю Небесный, Утешителю, Душе истины, иже везде сий и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Бессмертный, помилуй нас (трижды).

Слава Отцу и Сыну, и Святому Духу, и ныне, и присно и во веки веков. Аминь.

Пресвятая Троице, помилуй нас, Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй (трижды).

Слава Отцу и Сыну, и Святому Духу, и ныне, и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насушный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

^ С. Яко Твое есть царство и сила, и слава Отца и Сына, и Святаго Духа, ныне и присно и во веки веков.

Н. Аминь.

Приидите, поклонимся Цареви нашему Богу.

Приидите, поклонимся и припадем Христу, Цареви нашему Богу.

^ Приидите, поклонимся и припадем Самому Христу Цареви и Богу нашему.

Псалом 69:

Боже, в помощь мою воньми; Господи, помощи ми потщися. Да постыдятся и посрамятся ищущии душу мою, да возвратятся вспять и постыдятся хотящии ми злая. Да возвратятся абие стыдящеся, глаголющии ми: благоже, благоже. Да возрадуются и возвеселятся о Тебе вси ищущии Тебе, Боже, и да глаголют выну, да возвеличится Господь, любящии спасение Твое. Аз же нищ есмь и убог, Боже, помози ми: помощник мой, и избавитель мой еси Ты, Господи не закосни.

^ Д. Миром Господу помолимся.

Н. Господи, помилуй.

Д. О свышнем мире, и спасении душ наших, Господу помолимся.

Н Господи, помилуй.

Д. О мире всего мира, благостоянии святых Божиих Церквей, и соединении всех, Господу помолимся.

^ Н . Господи, помилуй.

Д. О святем храме сем, и с верою, благоговением и страхом Божиим входящих вонь, Господу помолимся.

Н. Господи, помилуй.

Д. О Господине и отце нашем Святейшем патриарсе Алексии и о господине и отце нашем Блаженнейшем митрополите Владимире и о господине нашем Высокопреосвященнейшем архиепископе Августине, честнем пресвитерстве, во Христе диаконстве, о всем причте и людех, Господу помолимся.

^ Н. Господи, помилуй.

Д. О богохранимей стране нашей, властех и воинстве ея, Господу помолимся.

Н. Господи, помилуй.

Д О граде сем, всяком граде, стране, и верою живущих в них, Господу помолимся.

^ Н . Господи, помилуй.

Д. О господине Святейшем Патриарсе Сербском Павле и о господине Преосвященнейшем епископе Артемии, о благоверном и христолюбивом народе Сербском, о помощи Божией, и одолении всякаго неприятеля и противника, Господу помолимся.

^ Н. Господи, помилуй.

Д. О благорастворении воздухов, о изобилии плодов земных и временех мирных, Господу помолимся.

Н. Господи, помилуй.

Д. О плавающих, путешествующих, недугующих, страждущих, плененных и о спасении их, Господу помолимся.

^ Н. Господи, помилуй.

Д. О православном страждущем народе Сербском, о уничиженных, изгнанных и злострадания терпящих мужах, женах, чадех и отроках, о защищении православных храмов и обителей, селений и жилищ в Косово и Метохии и иных землях сербских, да низпослет им Господь Бог наш Свою милость и защищение, Господу помолимся.

^ Н. Господи, помилуй.

Д. О избавитися нам от всякия скорби, гнева, беды и нужды, Господу помолимся.

Н. Господи, помилуй.

Д. Заступи, спаси, помилуй и сохрани нас, Боже, Твоею благодатию.

^ Н. Господи, помилуй.

Д. Пресвятую, пречистую, преблагословенную, славную Владычицу нашу Богородицу и приснодеву Марию, со всеми Святыми помянувше, сами себе, и друг друга, и весь живот наш Христу Богу предадим.

^ Н. Тебе, Господи.

С. Яко Твоя есть держава, и Твое есть царство, сила и слава Отца и Сына, и Святаго Духа ныне и присно и во веки веков.

Н. Аминь.

Глас 3.

Бог Господь явися нам, благословен грядый во имя Господне (трижды).

Тропарь святому князю Лазарю (глас 3).

Красоту возжелев славы Божия, / в земней Тому благоугодил еси, / и, порученный ти талант добре возделав, усугубил еси, / о немже и подвизався до крове. / Отонудуже и мзду болезней Твоих, / яко мученик, приял еси от Христа Бога: / Егоже моли спастися, / поющим тя, Лазаря.

^ Слава Отцу и Сыну, и Святому Духу:

Тропарь святым сербским мученикам (глас 2).

Новии страстнотерпцы Сербскии, / исповеднически поприще земное претекшии, / страданьми дерзновение приимшии, / молитеся Христу, вас укрепившему, / да и мы, егда найдет на ны испытания час, / мужества дар Божий восприимем. / Образ бо есте лобызающим подвиг ваш, / яко ни скорбь, ни теснота, ни смерть / от любве Божия разлучити вас не возмогоша.

^ И ныне, и присно и во веки веков. Аминь.

Богородичен, глас той же:

Честным Крестом Сына Твоего сохраняеми, Владычице чистая Богородице, всяк прилог борителя вси удобне побеждаем: сего ради по долгу Тя ублажаем, яко Матерь Божию, едину упование душам нашим.

^ Господи, помилуй (трижды).

Слава Отцу и Сыну, и Святому Духу, и ныне, и присно и во веки веков. Аминь.

Псалом 50: Помилуй мя, Боже…

Трипеснец, глас 6:

Ирмос:

Союзом любве / связуемы апостоли, / владычествующему всеми себе Христу возложше, / красны ноги очищаху, / благовествующе всем мир.

Святии мученицы и вси святии земли Сербския, молите Бога о нас.

Дерзновенно, святии, исповедали есте Господа пред отступники и гонители: / с нами Бог, взывающе, разумейте и покаряйтеся, / страха вашего не убоимся, ниже смутимся, яко с нами Бог.

^ Святии мученицы и вси святии земли Сербския, молите Бога о нас.

Уврачуйте молитвами вашими, святии мученицы Сербскии, / люди богоборныя, враждою и убийствы дышущия, / и мир стране Сербской и верным людем даруйте.

^ Слава Отцу и Сыну, и Святому Духу, и ныне, и присно и во веки веков. Аминь.

Водворяет ны змий во юдоль плача и чаяния злых, / не можем терпети скорби своей, взываху мученицы, / ты же Богородительнице, простерла еси им покров Свой / и спасла еси от сетей вражиих.

^ Д. И о сподобитися нам слышания святаго Евангелия, Господа Бога молим.

Н. Господи, помилуй (трижды).

Д. Премудрость, прости, услышим святаго Евангелия.

С. Мир всем.

Н. И духови твоему.

С. От Луки святаго Евангелия чтение.

Н. Слава Тебе, Господи, слава Тебе.

Д. Воньмем.

С. Рече Господь… (Зачало 63; 12, 2-7)

Н. Слава Тебе, Господи, слава Тебе.

Д. Помилуй нас, Боже, по велицей милости Твоей, молим Ти ся, услыши и помилуй.

^ Н. Господи, помилуй (трижды).

Д. Еще молимся о Господине и отце нашем Святейшем патриарсе Алексии и о господине и отце нашем Блаженнейшем митрополите Владимире и о господине нашем Высокопреосвященнейшем архиепископе Августине, честнем пресвитерстве, во Христе диаконстве, о всем причте и людех.

^ Н. Господи, помилуй (трижды).

Д. Еще молимся о богохранимой стране нашей, властех и воинстве ея.

Н. Господи, помилуй (трижды).

Д. Еще молимся о Господине Святейшем патриарсе Сербском Павле и о господине Преосвященнейшем епископе Рашко-Призранском Артемии и о богохранимей стране Сербской.

^ Н. Господи, помилуй (трижды).

Д. Еще молимся о благоверном и христолюбивом народе сербском и о всех православных христианах.

Н. Господи, помилуй (трижды).

Д. Еще молимся Господу Богу нашему да услышит вопли и моления страждущего народа Своего в Косово и Метохии и в иных сербских землях, и о всех страждущих, терпящих изгнание и злословия правды ради, и да скоро послет благодать и силу Свою и защитит невинно гонимых, рцем вси усердно Господи помилуй.

^ Н. Господи, помилуй (трижды).

С. Яко милостив и человеколюбец Бог еси, и Тебе славу возсылаем, Отцу и Сыну, и Святому Духу, ныне и присно и во веки веков.

^ Н. Аминь.

Ирмос:

За законы отеческия / блаженнии в Вавилоне юношы предбедствующе, / царюющаго оплеваша повеление безумное, / и, совокуплены, имже не сваришася огнем, / державствующему достойную воспеваху песнь: / Господа пойте дела, / и превозносите во вся веки.

^ Святии мученицы и вси святии земли Сербския, молите Бога о нас.

Законы Христовы возлюбиша мученицы Сербскии, / безбожныя же повеления отринуша / и, ревностию о Бозе связуемии, / Богу победную песнь воспеваху: / да благословит Господа Сербия Святая и превозносит Его во веки.

^ Святии мученицы и вси святии земли Сербския, молите Бога о нас.

Ангелов хвалу и мучеников славословие милостивно приемляй, / не отрини, Триипостасный Боже, от сонма их и нас, недостойных, / но сподоби вкупе с ними воспевати: / да благословит Господа Сербия Святая и превозносит Его во веки.

^ Слава Отцу и Сыну, и Святому Духу, и ныне, и присно и во веки веков. Аминь.

Зрящи поругание святаго удела Своего, / скорбяще Пречистая Матерь и державную помощь верным людем простираше, / Сына же Своего усердно моляше, взывающи: / да благословит Господа Сербия Святая и превозносит Его во веки.

Ирмос:

Странствия Владычня / и безсмертныя трапезы на Горнем месте / высокими умы, / вернии, приидите, насладимся / возшедша Слова, / от Слова научившеся, / Егоже величаем.

^ Святии мученицы и вси святии земли Сербския, молите Бога о нас.

Безсмертныя трапезы и жизни вечныя во Царствии Божием / наслаждаются ныне мученицы Сербскии, / исполнися бо на них обетование Господне: / побеждающим дам сести со Мною на Престоле Моем.

^ Святии мученицы и вси святии земли Сербския, молите Бога о нас.

Жизнодавче Господи, / молитвами мучеников Сербских, / упокой со всеми праведными рабы Твоя, за имя Твое пострадавшыя: / святители и иереи, монаси и мирстии, / старыя, юныя и всяк возраст, именуемыя и неименуемыя, / яко истинныя сыны и други Божия.

^ Слава Отцу и Сыну, и Святому Духу, и ныне, и присно и во веки веков. Аминь.

Яко Взбранная Воевода воинства мучеников Сербских, / державный покров и милостивное заступление явила еси, Пресвятая Дево, земли нашей, / опустошаемой скорбными и безбожными наведении. / Сего ради ныне молим Тя: / прости люди со грешшыя и сохрани Сербию Святую.

^ Д. Господу помолимся.

Н. Господи, помилуй.

С. Господи, Иисусе Христе Боже наш, приими сие усердное моление наше и прости нам и правосланвому сербскому народу вся согрешения, просвети восстающих на народ сербский, уничижающия и озлобляющия и, и не воздаждь им по делом их, но вразуми их по велицей Твоей милости, да и они узрят, яко зло добра победити не возможе. Церковь Свою святую и верныя Твоя избави от всякаго зла вседержавною десницею Твоею. Господи, спасения нашего ради на Крест возшедый и смерть претерпевый, управи, да возрастет посреди нас, в стране Сербской и во всем мире Твоем вместо вражды любовь, вместо брани мир, вместо печали радость, да тихое и мирное житие поживем, яко людие Твои и братия между собою.

Пресвятая Мати Богородице к Тебе препадаем и Тебе молим, яко Ты веси болезни Матере о Сыне, Егоже злочестивцы неправдно мучиша и убиша. Утиши болезни сербских матерей и отцев о чадех их, неправедно нападаемых, изгоняемых и поругаемых, удержи руку преступную и сохрани нас и их от всякаго зла и греха.

Припадаем и к вам, угодницы Божии, мученицы и вси святии, молите Господа, Ему же предстоите, за народ Сербский, да защитит землю Сербскую и народ православный, от восстания иноплеменных и междуусобныя брани и всякаго зла.

Господи мира и любве, помози нам и братиям нашим сербам, да не угаснет светильник Церкви Сербской пред Тобою, яко Бог милости еси, благости и человеколюбия и Тебе славу возсылаем Отцу и Сыну, и Святому Духу, ныне и присно и во веки веков.

Н. Аминь.

Д. Премудрость.

Н. Честнейшую Херувим, и славнейшую без сравнения Серафим, без истления Бога Слова рождшую, сущую Богородицу Тя величаем.

С. Слава Тебе, Христе Боже, упование наше, слава Тебе.

Н. Слава Отцу и Сыну, и Святому Духу, и ныне, и присно и во веки веков. Аминь. Господи, помилуй (трижды). Благослови.

С. Отпуст






Схожі:




База даних захищена авторським правом ©lib.exdat.com
При копіюванні матеріалу обов'язкове зазначення активного посилання відкритою для індексації.
звернутися до адміністрації